Facilities (સુવિધાઓ)

શાળાનું પુસ્તકાલય એ શાળાનો અરીસો હોય છે! અરીસાના પ્રકાર પ્રમાણે જેમ એમાં જુદા જુદા પ્રતિબિંબ દેખાય તેમ અમારી શાળા ‘બરોડા હાઇસ્કુલ દંતેશ્વર’નું પુસ્તકાલય પણ કંઈક અલગ જ આભા ધરાવે છે.
પુસ્તકાલયમાં પ્રવેશ કરતાની સાથે જ ખૂબ જ સુંદર બેઠક વ્યવસ્થા ગોઠવેલી છે.આરામદાયક, સુઘડ અને હવાની અવરજવર ધરાવતી બેઠક વ્યવસ્થા જોઈને જ વાંચન કરવાનું મન થઈ જાય તેમ છે.
લગભગ 8000 થી વધુ પુસ્તકો ધરાવતા આ પુસ્તકાલયમાં સ્નેહ થી ધોરણ 12 સુધીના અભ્યાસક્રમ ને લાગતા પુસ્તકોની સાથે અનેક સંદર્ભ ગ્રંથો પારદર્શક કાચના કબાટમાં સચવાયેલ છે.
શાળાના શિક્ષકો અને વિધાર્થીઓ પોતાને જરૂરી એવા સંદર્ભ પુસ્તકો પુસ્તકાલયમાંથી ખૂબ જ આસાનીથી મેળવી શકે છે.
અભ્યાસક્રમના પુસ્તકોની સાથે સાથે અહીં બાળવાર્તાઓ ,બોધકથાઓ ,નૈતિક મૂલ્યો ધરાવતી વાર્તાઓ ,ધાર્મિક ગ્રંથો ઐતિહાસિક પુસ્તકો, ગણિત -વિજ્ઞાન સંબંધી પુસ્તકો, વિશ્વકોશ તેમજ વ્યક્તિત્વ વિકાસને લગતા પુસ્તકોથી શોભતો આ વર્ગ સમગ્ર શાળાની યશકલગી સમાન છે.
પુસ્તકાલયમાં શાંતિ જળવાઈ રહે તે માટેના સૂચનો તેમજ ગ્રંથપાલની કુનેહથી પુસ્તકાલય તેનો સાચો અર્થ પ્રગટ કરે છે.
ખરેખર ,અમારી શાળાના પુસ્તકાલય વિશે અમને ખૂબ ગર્વની લાગણી અનુભવાય છે.